uppfærslunni berast ótal mörg falleg bréf og kveðjur - kærar þakkir

Hún er óhemju áhrifarík þessi sýning í Borgarleikhúsinu um Rachel Corrie, sem lét lífið á Gaza fyrir sex árum af völdum Ísraelshers. Hún var bandarísk stúlka, 23 ára gömul sem var í Rafah, syðst á Gaza, sjálfboðaliði á vegum ISM, alþjóðlegu samstöðuhreyfingarinnar. Caterpillar-jarðýta á vegum hersins ók yfir hana þar sem hún stóð og reyndi að hindra að heimili vinafólks hennar yrði eyðilagt.

Þóra Karitas á mikinn heiður skilinn fyrir leik sinn og framtakið allt, og raunar stór hópur með henni þar sem nefna verður sérstaklega Maríu Ellingsen leikstjóra.

Láttu þessa sýningu ekki fram hjá þér fara, það eru aðeins átta sýningar alls.

Kveðja,

Sveinn Rúnar